23 апрель көнө бөтә донъя буйынса башҡорт телендә диктант яҙыу акцияһы үтте. Учалы ҡалаһының С. Ш. Йыһаншин исемендәге 1- се башҡорт лицейы уҡыусылары һәм уҡытыусылары был сарала әүҙем ҡатнашты. Диктант яҙыу 10-сы мәктәп бинаһында үтте. Рәми Ғариповтың » » Уйланыуҙар », ‘Ҡаһым түрә’ ‘риүәйәте текстары бик уңышлы һайланылған.
-Акцияла ҡатнашыу беҙҙең өсөн үҙе бер байрам, — ти, ҡатнашыусы уҡыусыларҙың береһе. Үҙ туған телеңдә бөтә донъя менән берлектә диктант яҙаһың икән , тимәк, беҙҙең башҡорт телебеҙ йәшәй, үҫешә һәм камиллаша тигәнде аңлата. Мин үҙ телем өсөн сикһеҙ шатмын
Яҙ кояшындай сағыу, зәңгәр күктәй сикһеҙ,, төпһөҙ телебеҙҙә һөйләшеү, дөрөҫ яҙыу артабан да дауам итһен, тигән теләктә ҡалабыҙ